ఇటీవలే గౌరవ నామినేషన్ కోటాలో ఎంపీ(రాజ్యసభ) పదవి పొందిన సచిన్ కు ప్రభుత్వం ఢిల్లీలో 7000 గజాల 5 బెడ్రూముల విశాల భవనం కేటాయించగా అది తనకక్ఖరలేదని సున్నితంగా తిరస్కరించడం గొప్ప విషయమే. తాను పార్లమెంటు సమావేశాల సమయంలో తప్ప ఢిల్లీలో వుండబోననీ.. ప్రజాధనాన్ని వృధా చేయటం తనకిష్టంలేదని దీన్ని సచిన్ తిరస్కరించాడు.
వారెవా సచిన్... క్రికెట్లో చాలావరకూ జెంటిల్మన్ గేం ఆడిన నువ్వు రాజకీయాల్లో కూడా అదే ఒరవడి కొనసాగించగలిగితే నువ్వు గ్రేటెస్ట్ అవుతావ్. ప్రస్తుతానికైతే గ్రేటే...ఎందుకంటే ఎన్ని కోట్లున్నా, కొంపలున్నా ఫ్రీగా వస్తే ఫినాయిల్ ను కూడా వదలని నేతలున్న నేటిరోజుల్లో నువ్వు కాస్త డిఫ్ఫెరెంట్! దీనివరకైతే నీకు హాట్సాఫ్.
అయితే ఇప్పటికిప్పుడు గ్రేటెస్ట్ అని ఎందుకనట్లేదంటే "మొన్న ఎవరో నిబంధనలు ఉల్లంగించినందుకు మీ ఇంటి మీద ముంబై కార్పోరేషన్ కి చెల్లించిన అపరాధ రుసుము ఎంత" అని సమాచార హక్కు చట్టం కింద అడిగితే, థర్డ్ పార్టీ సమాచారం అని కార్పోరేషన్ "సమాచారం ఇవ్వొచ్చంటారా?" అని వాళ్ళు సచిన్ అభిప్రాయం అడిగారు. అయన మాత్రం ఆ సమాచారం ఇచ్చేందుకు ససేమిరా అన్నారు.
ఇదిమాత్రం నిజమైన నాయకుని లక్షణం కాదు. తప్పులు అందరూ చేస్తారు. కానీ, తెలిసో తెలియకో తప్పు జరిగినా ఒప్పుకుని సరిదిద్దుకోగలవాడే మంచి నాయకుడు. అందుకే "అందరి కంటే నేను వేరు" అని ప్రూవ్ చేసుకోవడానికి ఇంకా ఆయన చెయ్యల్సింది చాల ఉంది. పైగా "ఇంకా తనకి ఇప్పటికి క్రికెటే ముఖ్యం అని, పార్లమెంట్ రెండవ ప్రాధాన్యం అని సెలవిచ్చారురు. మరి రెండవ ప్రాధాన్యం ఐనప్పుడు సభకు, సభ్యత్వానికి న్యాయం చేయలేనప్పుడు అసలు సభ్యత్వం అంగీకరించడం ఎందుకు?"లాంటి విమర్శలు ఉండనే ఉన్నాయి:) అవన్నీ అధిగమించి తన విలువైన టైం లో మరికొంత రాజకీయానికి కేటాయించి తానే సెలవిచ్చిన విధంగా క్రికెట్ లాగే మిగతా క్రీడలూ అభివృద్ధి ఆయ్యేలా చెయ్యగలిగితే అప్పుడు నిజంగానే గ్రేటెస్ట్ అవుతాడు. క్రీడ అంటే క్రికెట్ మాత్రమే అనేంత దరిద్రంగా తయారైన మన క్రీడా లోకానికి మరోలా దిశానిర్దేశ్యం చెయ్యగలిగితే మిగతా గబ్బు రాజకీయ వ్యవహారాలేవీ పట్టించుకోకున్నా సచిన్ థ గ్రేటెస్త్ లీడర్ అని మనందరం అనొచ్చు:) కాదంటారా?
2 comments:
not to forget this is the man who made request to wave import tax on his ferrari just because he made contribution to indian cricket, n this is the man who delayed taking oath as MP because IPL season , where as acress rekha took oath almost a month back.
i dont want to be the cynic who points out only negativity, buy my point is to judge a person we need more than his success.
http://sanjutheking.blogspot.in/2012/04/rajyasabha-seat-is-not-just-honorary.html
ఎన్ని కోట్లున్నా, కొంపలున్నా ఫ్రీగా వస్తే ఫినాయిల్ ను కూడా వదలని నేతలున్న నేటిరోజుల్లో సచిన్ కాస్త డిఫ్ఫెరెంట్ ! దీనివరకైతే హాట్సాఫ్......చక్కటి పోస్ట్ .
Post a Comment